Nýggj lóggáva er komin í gildi á økinum, tískil er nýggj síða ávegis

Trýstberandi útbúnaður

Trýstberandi skipanir er eitt felagsheiti fyri trýstíløt, køliskipanir, dampketlar, rørskipanir og aðra líknandi útgerð, ið er trýstberandi.

Frá 25. august 2018 er hetta økið skipað sambært kunngerð um innrætting og nýtslu av trýstberandi útbúnaði, sí kunngerðina her.

Kunngerðin ásetur nøkur yvirskipað felagskrøv og allýsingar fyri alla trýstberandi útgerð, ið hevur hægri trýst enn 0,5 bar. 

Ávís krøv og skyldur áliggja teimum, sum eiga og reka slíka útgerð – til dømis skulu dampketlar eftirhyggjast við jøvnum millumbilum av Arbeiðs- og brunaeftirlitinum, og køli- og frystiskipanir skulu verða undir regluligum eftirliti av løggildum køliveitarum og verða eftirhugdar av Arbeiðs- og brunaeftirlitinum við jøvnum millumbilum.

Harumframt er tað eitt krav, at slík útgerð hevur eina eftirlitsbók, har rakstur, viðlíkahald og broytingar greitt síggjast.

Við at trýsta á leinkjurnar á vinstru síðu ber til at finna upplýsingar um ymisk sløg av trýstberandi útbúnaði.