Trýstíløt, rørskipanir undir trýsti og kuldaskipanir 

Sambært kunngerð nr. 123 frá 23. oktober 1996 um trýstíløt og rørskipan undir trýsti, er fylgjandi galdandi fyri tílíkar skipanir

 

Áðrenn skipanin er tikin í nýtslu

Konstruktiónsgóðkenning

Arbeiðs- og brunaeftirlitið kannar ætlaðu uppsetingina sambært innsendum tekningum. Her verður øll dokumentatión uppá komponentar, armatur, rørkvalitetir, sveisicertifikatir o.s.fr. kannað.

 

Uppsetingareftirlit

Her kannar Arbeiðs- og brunaeftirlitið um alt er í trá við konstruktiónsgóðkenningina, eisini verða sveisingar visuelt kannaðar. Umframt hetta verður eisini kannað, um uppsetingin er í trá við krøvini til uppsetingarstaðið.

Tá hetta er gjørt, og ongi avgerandi atlit tala ímóti, verður loyvi givið til at taka skipanina í nýtslu.

 

Aftaná at skipanin er tikin í nýtslu.

Eftirlit 2. hvørt ár.

Aftaná at skipanin er tikin í nýtslu kannar Arbeiðs- og brunaeftirlitið 2. hvørt ár um armatur og annað tilhoyr er í forsvarligum standi. 

 

Eftirlit  4. hvørt ár.

Aftaná at skipanin er tikin í nýtslu kannar Arbeiðs- og brunaeftirlitið 4. hvørt ár um trýstíløt og rør framvegis eru í forsvarligum standi.

 

Í sambandi við regluligt skal eigarin av útbúnaðinum boða Arbeiðs- og brunaeftirlitinum frá í góðari tíð áðrenn eftirlit skulu gerast. Fráboðan kann sendast á arb@arb.fo  

 

Serligt um køliskipanir
Umframt myndugleikaeftirlitini, hava eigarar ella brúkarar av køliskipanum, ið eru størri enn 1000 kcal/h, eisini skyldu til at lata hesar eftirkanna av einum køliveitara, ið er løggildur av Arbeiðs- og brunaeftirlitinum. Sí her

Hesi eftirlit skulu gerast minst 12. hvønn mánað.

Aftaná slíkt eftirlit skal køliveitarin útfylla eftirlitsblaðið fyri hvørt trýstílat, ið er partur av køliskipanini.

Skipanin skal hava eina eftirlitsbók, har sniðið er góðkent av Arbeiðs- og brunaeftirlitinum.

 

Eftirlitsbók
Eftirlitsbókin fyri eina køliskipan er sett saman av tveimum ymiskum skjølum, fyri hvørt trýstílat:

• Eftirlitsbókin – ið er eitt skjal, sum lýsir sjálvt trýstílatið, har Arbeiðs- og brunaeftirlitið váttar, at uppsetingareftirlit er gjørt.
• Eftirlitsskjalið, ið skal útfyllast av løggilda køliveitaranum, aftaná at hesin hevur gjørt árligt eftirlit við skipanini.
   

Áðrenn Arbeiðs- og brunaeftirlitið endaliga kann avgreiða eitt uppsetingareftirlit, skal ein fullfíggjað eftirlitsbók fyriliggja.

 

Legg til merkis:

• Tann, sum byrjar at nýta eitt trýstílat, skal tryggja sær, at tað er fráboðað Arbeiðs- og brunaeftirlitinum.
• Tann, sum byrjar at nýta eitt trýstílat, skal tryggja sær, og at onki sambært eftirlitsbókini forðar fyri, at samlaða skipanin kann nýtast á lógligan hátt.
• Eftirlitsbókin skal goymast soleiðis, at hon er lætt atkomulig fyri rakstrarstarvsfólk og Arbeiðs- og brunaeftirlitið.
• Úrslit av lógarkravdum eftirlitum, og øðrum kravdum kanningum, skulu skrivast í eftirlitsskjalið til ítøkiliga trýstílatið í eftirlitsbókini.
• Eftirlitsbókin má ikki nýtast til onnur endamál.
• Um ítøkiliga trístílatið broytir eigara, skal viðkomandi parturin av eftirlitsbókini latast nýggja eigaranum.
• Hvørvur bókin, skal ein nýggj gerast.