Goymslur

Í handlum ella rúmum uppat teim kunnu uppí 20 kg av fýrverki havast á goymslu. Uttanfyri tílík rúm kunnu uppí 40 kg av fýrverki havast á goymslu, tó ikki í sethúsum. Loyvi til størri nøgdir á goymslu kann fáast hjá landfútanum.

Fýrverk skal goymast varliga og minst 2 m frá varmavæli ella kaminu.

Goymslur av fýrverk hjá handlandi skulu havast í tøttum trækøssum (skápum) ella timburfóraðum metalkøssum við tøttum loki. Kassarnir (skápini) skulu vera merktir “Vandamikið – Fýrverk“ og mugu bert goyma fýrverk og setast so, at fólk sleppur ikki til. Verður fýrverk goymt í handilsrúmum ella rúmum uppiá tílíkum, skulu hóskandi sløkkiamboð vera við hondina nærindis køssunum (skápunum), til dømis spann við vatni ella trýstvatnssløkkjari (handsløkkjari við vatni at sløkkja við og onkur komprimerað luft sum drívevni).

Tað er tó loyvt at hava fýrverkslutir frammi at vísa til sølu, men tó soleiðis, at fólk sleppur ikki til fýrverk, sum stendur frammi og bert ein lutur av hvørjum (eind ella smásølupakking) av hvørjum slagnum, sum eru at fáa í handlinum.

Í rúmum, sum hava inni fýrverk, mugu ikki eldfimar veskur vera og royking er forboðin. Undir hesa regluna koma ikki handilsrúm, sum hava eldsløkkingaramboð

Hetta fevnir tó ikki umborðbumbur, japanskar borðbumbur og brestir (knallert).

Nýtsla av fýrverk í rúmum, sum hava inni ella frammi fýrverk og eldfimar veskur, er forboðið.