Arbeiðsumhvørvi í Føroyum

Arbeiðsumhvørvi á føroyskum arbeiðsplássum er skipað við heimild í løgtingslóg um arbeiðsumhvørvi. Endamálið við lógini er at virka fyri einum tryggum og heilsugóðum arbeiðsumhvørvi, sum altíð er í samljóði við teknisku og sosialu gongdina í samfelagnum og skapa grundarlag fyri, at virkini sjálvi kunnu loysa sínar trygdar- og heilsuspurningar eftir vegleiðing og í samstarvi við feløgini á arbeiðsmarknaðinum og við vegleiðing og undir eftirliti av Arbeiðs- og brunaeftirlitinum.

Lógin, sum er ein rammulóg, býtir arbeiðsumhvørvi í fylgjandi høvuðsøkir:

  • Trygdar- og heilsulig tiltøk á virkjum
  • Útinnan av arbeiði
  • Arbeiðsplássið
  • Tøknilig hjálpartól
  • Evni og tilfar
  • Hvíldartíð og frísamdøgur
  • Børn og ung undir 18 ár
     

Á undirsíðunum kanst tú lesa meira um hesi og onnur økir.