Afturkalling av vandamiklum 'Compolite CS' gassfløskum

  • Gassfløskur av merkinum ‘Compolite CS'
  • Sprongd gassfløska av merkinum ‘Compolite CS'

Við heimild í § 59, stk. 3 í arbeiðsumhvørvislógini , afturkallar Arbeiðs- og brunaeftirlitið við hesum gassfløskur av merkinum ‘Compolite CS’. Talan er um 5 kg og 10 kg fløskur, sum eru seldar brúkarum.

Arbeiðs- og brunaeftirlitið skal gera vart við, at vandi er fyri, at omanfyri nevndu gassfløskur kunnu bresta, um hitin kring fløskuna gerst ov høgur.  

Gassfløskurnar av merkinum Compolite CS eru í Føroyum m.a. seldar av Fønix. Arbeiðs- og brunaeftirlitið skal staðiliga heita á tey, sum hava nevndu fløskur, um at venda sær til sølustaðið har fløskan er keypt, í sambandi við umbýtan av gassfløskunum.

Arbeiðs- og brunaeftirlitið áleggur samstundis øllum handlum, sum hava selt slíkar fløskur, at støðga søluni og kalla selda vøru aftur.  

Fyri kunning um tilsvarandi donsku afturkallingina, í sambandi við nevndu gassfløskur, verður víst til heimasíðuna hjá danska arbeiðseftirlitinum, sí

https://arbejdstilsynet.dk/da/nyheder/nyheder/2017/05/over-70000-farlige-gasflasker-hos-forbrugerne 

https://arbejdstilsynet.dk/da/selvbetjening/farlige-produkter/gasflasker-af-mearket-compolite 

 

Fyri nærri kunning ber til at venda sær til Arbeiðs- og brunaeftirlitið á telefon +298 664400 ella við telduposti á arb@arb.fo

 


01-06-2017
Leivur Persson