Løggilding av elinnleggingarfyritøkum, fakligum ábyrgdara og hjávinnuløggilding
Í høvuðsheitum ber til at søkja um tvey ymisk sløg av løggildingum innan el – løggilding sum elinnleggjarafyritøka ella hjávinnuløggilding.
Elinnleggjarafyritøkur skulu hava í minsta lagi ein fakligan ábyrgdara í starvi, meðan fyritøkur við hjávinnuløggilding eru einmansfyritøkur.
Elinnleggjarafyritøka og fakligur ábyrgdari
Elinnleggingarfyritøkur við vanligari løggilding kunnu gera og servisera allar elektriskar innleggingar til sterkstreym og innleggingar av ikki-sterkstreymsriknum stýringsskipanum og reguleringsskipanum, sum verða nýttar til at stýra sterkstreymsfunktiónum.
Løggilding av fyritøkuni
Hvussu søki eg løggilding til fyritøkuna?
Skalt tú søkja um løggilding av elinleggjarafyritøku, skal umsókn fyllast út og sendast Arbeiðs- og brunaeftirlitinum.
Oyðublaðið finnur tú her.
Umframt sjálva umsøknina, skulu hesu skjøl sendast við:
- Útskrift frá skránni hjá Skráseting Føroya, ið vísir, at fyritøkan ikki er undir trotabúviðgerð ella avtøku
- Váttan um at fakligur ábyrgdari, ið er knýttur at fyritøkuni í minsta lagi 30 tímar um vikuna innanfyri vanliga arbeiðstíð, er settur við uppsagnarfreist upp á í minsta lagi 3 mánaðir eftir 6 mánaðar starvstíð
- Kvittan fyri gjald á kr. 1500
- Skjalprógvaða góðkenda góðskuleiðsluskipan, ella umsókn um góðkenning av góðskuleiðsluskipan
Oyðublaðið og hartilhoyrandi skjøl, skulu sendast Arbeiðs- og brunaeftirlitinum við telduposti til arb@arb.fo ella við vanligum posti til: Arbeiðs- og brunaeftirlitið, undir Bryggjubakka 27, 100 Tórshavn.
Hvørji onnur krøv eru?
Umframt omanfyristandandi, skal tann sum eigur fyritøkuna, ella, tá ið fyritøkan verður rikin í felagsformi, tann fyrisitingarligi stjórin, geva skrivliga váttan fyri, hvørt fyritøkan ella viðkomandi sjálvur innan fyri tey seinastu trý árini er revsaður fyri brot á:
- Løgtingslóg nr. 76 frá 5. mai 2021 um løggilding av elinnleggingarfyritøkum
- Ta áður galdandi løgtingslógina um løggilding av elinnleggjarum v.m.
- Ta áður galdandi løgtingslógina um sterkstreymsútbúnað, løgtingslóg um elelektriskan útbúnað, elektriskar innleggingar og elektriskt tilfar
- Reglur ásettar við heimild í omanfyristandandi løgtingslógum
Løggilding av fakliga ábyrgdaranum
Hvussu søki eg um løggilding sum fakligur ábyrgdari?
Skalt tú søkja um løggilding sum fakligur ábyrgdari á eløkinum, skal umsókn fyllast út og sendast Arbeiðs- og brunaeftirlitinum.
Oyðubløðini finnur tú her.
Umframt sjálva umsóknina, skulu hesi skjøl sendast við:
- Øll viðkomandi útbúgvingarprógv
- Váttan um viðkomandi starvsroyndir
- Avrit av løggildingarroynd
- Kvittan fyri gjald á kr. 1500
Oyðublaðið og hartilhoyrandi skjøl, skulu sendast Arbeiðs- og brunaeftirlitinum við telduposti til arb@arb.fo ella við vanligum posti til: Arbeiðs- og brunaeftirlitið, undir Bryggjubakka 27, 100 Tórshavn.
Hvørji eru krøvini til útbúgving?
Fyri at kunna blíva góðkendur sum fakligur ábyrgdari ella søkja um hjávinnuløggilding, skal umsøkjarin antin vera útbúgvin elektrikari, ella hava staðið eina av niðanfyri nevndu førleikagevandi royndum:
- Prógv sum elinnleggjari frá Maskinsmeistaraskúlanum ella Vinnuháskúlanum eftir tí stevnumiði um framhaldandi útbúgving innan sterkstreymstøkniliga økið, sum landsstýrið fyrisetur.
- Elektroinstallatørprøven af 1952 eftir reglunum hjá Ministeriet for offentlige arbejder, sbr. bekendtgørelse nr. 172 af 14. maj 1952 om prøver for elektroinstallatører § 1, III, jfr. §§ 6-11.
- Maskinmeistaraprógv frá góðkendum lærustovni í Føroyum ella Danmark (Tó ikki prógv sum eftir gomlu skipanini ikki kundi metast sum víðkað).
- Endaligt prógv sum elverkfrøðingur frá hægri lærustovni, treytað av at Elnevndin, við serligum atliti at sterkstreymsreglugerðini, hevur góðkent tað.
Hvørjar starvsroyndir skal eg hava?
Er umsøkjarin útbúgvin elektrikari, kann góðkenning sum fakligur ábyrgdari, gevast uttan víðari krøv um starvsroyndir.
- Hevur umsøkjari aðra viðkomandi handverkaraútbúgving innanfyri elteknikk ella jarn og metal, kann góðkenning sum fakligur ábyrgdari, ella hjávinnuløggilding, gevast aftan á arbeiðsroyndir í 1 ár í sterkstreymstekniskari fyritøku undir ábyrgd av góðkendum fakligum ábyrgdara.
- Elverkfrøðingar, sbr. § 3. stk. 1, nr. 6, skulu hava annaðhvørt sveinabræv sum elektrikari ella elektromekanikari ella útbúgving samsvarandi hesum ella útbúgving svarandi til hetta, ella aftan á staðið verkfrøðingsprógv hava arbeitt minst 1 ár í sterkstreymsfyritøku undir ábyrgd av góðkendum fakligum ábyrgdara.
- Hevur umsøkjari aðra útbúgving, verður góðkenning sum fakligur ábyrgdari, ella hjávinnuløggilding, givin aftan á arbeiðsroyndir í 2 ár í sterkstreymstekniskari fyritøku sum elektrikari undir ábyrgd av góðkendum fakligum ábyrgdara.
Hjávinnuløggilding
Elinnleggingarfyritøkur við hjávinnuløggilding kunnu ikki gera størri og fakliga meira krevjandi uppgávur. Við størri og fakliga meira krevjandi uppgávur skilst m.a. innleggingar í elektriskum útbúnaði, innleggingar í størri virkisbygningum, almennum bygningum, t.d. skúlum og sjúkrahúsum og raðhúsabyggingum.
Elnevndin metir í hvørjum føri sær, um talan er um størri og fakliga meira krevjandi uppgávur.
Hvussu søki eg?
Skalt tú søkja um hjávinnuløggilding, skal umsókn fyllast út og sendast Arbeiðs- og brunaeftirlitinum.
Oyðubløðini finnur tú her.
Umframt sjálva umsóknina, skulu hesi skjøl sendast við:
- Øll viðkomandi útbúgvingarprógv
- Váttan um viðkomandi starvsroyndir
- Avrit av løggildingarroynd
- Kvittan fyri gjald á kr. 1500
Oyðublaðið og hartilhoyrandi skjøl, skulu sendast Arbeiðs- og brunaeftirlitinum við telduposti til arb@arb.fo ella við vanligum posti til: Arbeiðs- og brunaeftirlitið, undir Bryggjubakka 27, 100 Tórshavn.
Hvørji eru krøvini til útbúgving?
Fyri at kunna blíva góðkendur sum fakligur ábyrgdari ella søkja um hjávinnuløggilding, skal umsøkjarin antin vera útbúgvin elektrikari, ella hava staðið eina av niðanfyri nevndu førleikagevandi royndum:
- Prógv sum elinnleggjari frá Maskinsmeistaraskúlanum ella Vinnuháskúlanum eftir tí stevnumiði um framhaldandi útbúgving innan sterkstreymstøkniliga økið, sum landsstýrið fyrisetur.
- Elektroinstallatørprøven af 1952 eftir reglunum hjá Ministeriet for offentlige arbejder, sbr. bekendtgørelse nr. 172 af 14. maj 1952 om prøver for elektroinstallatører § 1, III, jfr. §§ 6-11.
- Maskinmeistaraprógv frá góðkendum lærustovni í Føroyum ella Danmark (Tó ikki prógv sum eftir gomlu skipanini ikki kundi metast sum víðkað).
- Endaligt prógv sum elverkfrøðingur frá hægri lærustovni, treytað av at Elnevndin, við serligum atliti at sterkstreymsreglugerðini, hevur góðkent tað.
Hvørjar starvsroyndir skal eg hava?
Er umsøkjarin útbúgvin elektrikari, kann góðkenning sum fakligur ábyrgdari, ella hjávinnuløggilding, gevast uttan víðari krøv um starvsroyndir.
- Hevur umsøkjari aðra viðkomandi handverkaraútbúgving innanfyri elteknikk ella jarn og metal, kann góðkenning sum fakligur ábyrgdari, ella hjávinnuløggilding, gevast aftan á arbeiðsroyndir í 1 ár í sterkstreymstekniskari fyritøku undir ábyrgd av góðkendum fakligum ábyrgdara.
- Elverkfrøðingar, sbr. § 3. stk. 1, nr. 6, skulu hava annaðhvørt sveinabræv sum elektrikari ella elektromekanikari ella útbúgving samsvarandi hesum ella útbúgving svarandi til hetta, ella aftan á staðið verkfrøðingsprógv hava arbeitt minst 1 ár í sterkstreymsfyritøku undir ábyrgd av góðkendum fakligum ábyrgdara.
- Hevur umsøkjari aðra útbúgving, verður góðkenning sum fakligur ábyrgdari, ella hjávinnuløggilding, givin aftan á arbeiðsroyndir í 2 ár í sterkstreymstekniskari fyritøku sum elektrikari undir ábyrgd av góðkendum fakligum ábyrgdara.
