Innflutningur, søla og lýsing av tubbaksvørum

Loyvt er ikki at lýsa við tubbaksvørum í bløðum, tíðarritum, bókum, kringvarpi, biografum, faldarum, á netinum, á skeltum, spjøldrum, o.ø.

Tubbaksvørur mugu ikki vera ein lutur í lýsingum fyri øðrum vørum ella tænastum.

Lýsingar í prentaðum dagbløðum og øðrum ritum, ið eru innlutt til Føroya, og sum ikki eru skrivað ella prentað í Føroyum, eru undantiknar forboðnum. Er endamálið við ritinum at lýsa við tubbaksvørum í Føroyum, so er forboðið tó galdandi. 

Undantikin er tubbaksvøra, um hon verður brúkt í ítøkiligum upplýsingar- og ávaringartiltøkum móti royking.

Loyvt er ikki at lýsa við ella á annan hátt at gera vart við ella at kunna um, at ávísar tubbaksvørur eru minni skaðiligar enn aðrar.

Á sølustøðum, har ein tubbaksvøra verður seld, skal tubbaksvøran vera fjald, so at hon als ikki er sjónlig fyri viðskiftafólkunum.

Tað er bert loyvt at flyta tubbaksvørur inn til Føroya til vinnuligt endamál. Harumframt er tað bert loyvt at selja slíkar vørur, um tær eru merktar við einum ávaringarteksti samsvarandi reglunum, ið landsstýrismaðurin hevur ásett um heilsuvandar, ið standast av tubbaksnýtslu. Eisini skal ein innihaldslýsing av tjøruevni, nikotini, kolsúrevni o.ø. standa merkt á vørunum.

Sí annars kunngerð nr. 105 frá 9. desember 2008 um krøv til innandura roykirúm og ávaringartekst um heilsuvandar v.m.