Arbeiðsumhvørvisráðið
Sambært § 52 í løgtingslóg um arbeiðsumhvørvi verður landsstýrismanninum heimilað at seta eitt Arbeiðsumhvørvisráð við 2 limum umboðandi arbeiðsgevarafeløgini, 2 limum umboðandi arbeiðstakarafeløgini, 1 limi umboðandi landið og kommunufeløgini, og 1 limi umboðandi starvsfólkini hjá landinum og kommununum og sama tal av tiltaksumboðum.
Landsstýrismaðurin tilnevnir formann og varaformann fyri eitt 4 ára skeið eftir tilmæli frá omanfyri nevndu umboðum.
Starvsskeiðið hjá ráðnum er 4 ár.
Endamálið hjá Arbeiðsumhvørvisráðnum er at geva arbeiðsmarknaðinum høvi til at ávirka tey tiltøk, sum skulu gerast fyri at fáa eitt heilsugott og trygt arbeiðsumhvørvi.
Ráðið skal ráðgeva landsstýrinum í spurningum innan arbeiðsumhvørvi, heilsu- og sosialmál, tekniskar spurningar, útbúgving og onnur mál av felags áhuga fyri arbeiðsumhvørvið.
Valskeiðið hjá sitandi ráð er frá desember 2021 og til desember 2025.
Limirnir í ráðnum eru:
Formaður: Pál Weihe, yvirlækni og professari, Deildin fyri arbeiðs- og almannaheilsu
- Umboð fyri arbeiðsgevarafeløgini: Niels Winther, stjóri í Vinnuhúsinum
- Umboð fyri arbeiðsgevarafeløgini: Esther Dahl, HR- & HTU-leiðari hjá Faroe Ship
- Umboð fyri arbeiðstakarafeløgini: Jóhan Carl Dam, Havnar Arbeiðarafelag
- Umboð fyri arbeiðstakarafeløgini: Danial Pauli Djurhuus, formaður Landsfelag Handverkaranna
- Umboð fyri landið og kommunufelagið: Jan Mortensen, Deildarstjóri á Lønardeildini á Fíggjarmálaráðnum
- Umboð fyri starvsfólkini hjá landinum og kommununum: Annika Helgadóttir Davidsen, Akademikarafelag Føroya
Arbeiðs- og brunaeftirlitið er skrivstova hjá ráðnum. Skrivari hjá ráðnum er Jógvan Arnason Djurhuus: jad@arb.fo.
