Fráboðan um byggipláss

Hvørji byggipláss skulu fráboðast?

Byggipláss skulu fráboðast Arbeiðs- og brunaeftirlitinum, áðrenn arbeiðið byrjar, um:

  • arbeiðið verður mett at taka meira enn 30 arbeiðsdagar, og at í minsta lagi 20 arbeiðsfólk starvast samstundis, ella
  • tann metta arbeiðsmongdin er meira enn 500 mansdagar.

Hvør skal geva fráboðan?

Fráboðanin skal verða gjørd av byggiharranum ella av tí persóninum, sum byggiharrin hevur latið hetta upp í hendi.
Fráboðanin kann verða gjørd talgilt her niðanfyri ella á eitt oyðublað (oyðublað). Avrit av fráboðanini og móttøkuváttanini skal setast upp á einum sjónligum staði á byggiplássinum.

Hví skal eitt byggipláss fráboðast?

Arbeiðs- og brunaeftirlitið nýtir tær innsendu fráboðanirnar til at leggja til rættis eftirlitsvitjanir av byggiplássinum.