Læknaváttan 1 skal vanliga latast inn saman við øllum fráboðanum um arbeiðsskaða. Læknaváttanin er partur av oyðiblaðnum, ið verður útflýggjað av tryggingarfelagnum ella Arbeiðseftirlitinum.

Oyðublaðið fæst við at venda sær til Vanlukkutryggingarráðið á vanlukkutrygging@arb.fo, ella við at taka tað niður á heimasíðuni undir "oyðubløð".

Tannlæknaváttan 1 skal vanliga latast inn saman við fráboðan um tannskaða.

Oyðublað til váttanina kann takast niður á heimasíðuni undir "oyðubløð". 

Arbeiðsgevarin og tryggjaði skulu síggja til, at váttanin er viðløgd fráboðanarskjalinum. Vantar váttanin, kann Vanlukkutryggingarráðið ikki fyrireika málið at leggja fyri ráðið, og sendir hana tískil aftur.

Skaddi skal ikki gjalda fyri læknaváttanir ella læknakanningar, sum Vanlukkutryggingarráðið biður um.

Tryggingarfelagið ella Vinnusjúkugrunnurin rinda. Er talan um sjálvtryggjaðan almennan arbeiðsgevara, skal hesin rinda fyri læknaváttanirnar ella -kanningarnar, ið ráðið biður um. Vanlukkutryggingarráðið kunnar arbeiðsgevaran um hetta

Arbeiðsskaðar og vinnusjúkur skulu fráboðast beinanvegin og seinast innan 9 yrkadagar. Boðar arbeiðsgevarin ikki frá, má tryggjaði sjálvur greiða fráboðanina.

Ein endalig fráboðanarfreist er galdandi, og hendan er 1 ár roknað frá skaðadegnum.

Fyri vinnusjúkur verður fráboðanarfreistin roknað frá tí degi, tann fráboðanarskyldugi gjørdist varugur við, at sjúkan kann vera treytað av arbeiðinum.

Bert í heilt serligum førum kann víkjast frá endaligu fráboðanarfreistini.