Mát og vekt

Arbeiðs- og brunaeftirlitið umsitur økið mát og vekt. Í praksis merkir hetta, at Arbeiðs- og brunaeftirlitið kannar og verifiserar:

• Vektir og
• Volumenmátarar

Hetta eru vektir til ymisk vinnulig endamál sum t.d. í fiskivinnuni og í handlum, meðan
volumenmátarar fyri tað mesta eru olju- og bensinmátarar á bensinstøðum o.l.

Frá 1908 vóru hetta uppgávur, sum danski myndugleikin ‘Justervæsenet’ tók sær av, til hesin myndugleikin var avtikin í 1982.

Málsøkið var yvirtikið í 2008 og varð lagt til Arbeiðseftirlitið. Áðrenn hetta hevði Arbeiðseftirlitið í fleiri ár røkt praktiska partin av hesum virkseminum í Føroyum.

Av tí at talan er um løggildingar, ið hava stóran týdning fyri t.d. fiski- og alivinnuna í Føroyum, setur hetta eisini stór krøv til dygdina á arbeiðinum hjá Arbeiðs- og brunaeftirlitið.

Arbeiðs- og brunaeftirlitið hevur eina samstarvsavtalu við FORCE, sum er ein løggild sertifiseringsfyritøka og sertifikatini frá Arbeiðs- og brunaeftirlitinum eru fevnd av DANAK akkrediteringini hjá FORCE.