Asbest

Asbest kann vera ein álvarsligur heilsuvandi fyri tey, ið arbeiða við at taka niður ella gera í stand, har ið asbest er. Fært tú asbeststøv í lunguni, kanst tú verða í vanda fyri at fáa lungnakrabba ella lungahinnukrabba. Tí er tað sera umráðandi at starvsfólk, ið arbeiða har ið asbest er, eru vard móti asbeststøvi.

Tá ið eldri hús og bygningar skulu umvælast, eru ofta ivamál um hvørt hesi innihalda vandamikla evnið asbest. Høvuðsreglan í hesum sambandi er, at allir bygningar, sum eru reistir áðrenn 1990, kunnu væntast at innihalda asbest í ein ella annan mun.

Er ivamál um, hvørt talan er um tilfar við asbesti, og hetta ikki er møguligt at staðfesta, eigur tilfarið altíð at viðgerast sum um talan er um tilfar við asbesti í.

Niðanfyri er eitt vegleiðandi yvirlit yvir, hvat tilfar við asbesti í ofta eru í ymiskum rúmum. Fyri at kunna velja tað rætta tíðarskeiðið, er umráðandi at vita, nær bygningur er reistur, og nær møguligar umbyggingar ella uppíbyggingar eru gjørdar. 

Vegleiðandi yvirlitið fevnir um næstan alt tilfar við asbesti í. Tó so er í nøkrum sjáldsomum førum ein møguleiki fyri, at asbest er onkra aðrastaðni eisini.

Sjáldsamt: Minni enn 10 prosent sannlíkindi fyri, at tilfarið hevur asbest í.

Ofta: Meiri enn 10 prosent sannlíkindi fyri, at tilfarið hevur asbest í.