Mát & vekt

Arbeiðs- og brunaeftirlitið umsitur økið mát og vekt. Í praksis merkir hetta, at Arbeiðs- og brunaeftirlitið kannar og verifiserar:

  • vektir og
  • volumenmátarar.

Hetta eru vektir til ymisk vinnulig endamál, sum t.d. í fiskivinnuni og í handlum, meðan
volumenmátarar fyri tað mesta eru olju- og bensinmátarar á bensinstøðum o.l.

Frá 1908 vóru hetta uppgávur, sum danski myndugleikin ‘Justervæsnet’ tók sær av, til hesin var avtikin í 1982.

Málsøkið var yvirtikið í 2007, og lagt til Arbeiðseftirlitið. Áðrenn hetta hevði Arbeiðseftirlitið í fleiri ár røkt praktiska partin av hesum virkseminum í Føroyum.

Av tí at talan er um løggildingar, ið hava stóran týdning fyri t.d. fiski- og alivinnuna í Føroyum, setur hetta eisini stór krøv til dygdina á arbeiðinum hjá Arbeiðs- og brunaeftirlitið.

Arbeiðs- og brunaeftirlitið hevur tískil eina samstarvsavtalu við FORCE, sum er ein løggild certifiseringsfyritøka. Sertifikatini frá Arbeiðs- og brunaeftirlitinum eru tískil fevnd av DANAK akrediteringini hjá FORCE.

Lógir og vegleiðingar fyri mát og vekt

Trýst HER fyri at lesa lógir og vegleiðingar fyri mát og vekt