Fýrverk

Reglurnar fyri útvegan, goymslu og nýtslu av fýrverki eru ásettar í løgtingslóg um fýrverk og kunngerð um fýrverk. Endamálið við reglunum er at forða fyri at fólk ella ognir fáa skaða av fýrverki. 

Myndugleikin á økinum er býttur millum Arbeiðs- og brunaeftirlitið og Føroya Landfúta. 

 

Góð ráð í samband við nýtslu av fýrverki

  • Les brúkaravegleiðingina gjølla. Ansið eftir, at fýrverkið ikki hevur fingið skaða. Fýrverk, ið er skatt, skal ikki brúkast.
  • Brúka altíð verndarbrillur, vaksin sum børn.
  • Fýrverk skal brúkast uttandura og burtur frá fólkatrunka.
  • Hav ikki fýrverk í lummanum, men í plastikposa.
  • Set rakettir í ein tryggan haldara, ið er gjørdur til endamálið. Stingið ikki stelkin í bøin ella í kavan.
  • Ansa eftir, at rakettir fara beint uppeftir.
  • Fest í fjúsið við strektum armi – bend teg ikki inn yvir fýrverk.
  • Far ikki aftur til fýrverk ella rakett, sum ikki vildi ganga av.
  • Fest bara í eitt skotevni ísenn.
  • Kasta ikki fýrverk eftir fólki ella djórum.
  • Ansið eftir smábørnunum.
  • Ávirkað fólk skulu ikki fáast við fýrverk.
  • Bið um vegleiðing á útsølustaðnum um verndarbrillur, raketthaldarar og trygd annars.