Evnisdagur um harðskap og hóttanir fluttur til Dansifrøi
Vegna stóra undirtøku er evnisdagurin, ið skuldi vera í Smæruni, fluttur at verða í Dansifrøi.
Tann 24. oktobur skipar Arbeiðs- og brunaeftirlitið fyri einum evnisdegi um harðskap og hóttanir móti starvsfólki, ið starvast innan heilsu, røkt og umsorgan.
Endamálið við evnisdegnum er at varpa ljós á harðskap og hóttanir sum arbeiðsumhvørvistrupulleika og geva íblástur til, hvussu hesin trupulleiki kann fyribyrgjast og handfarast.
Evnisdagurin verður í Dansifrøi og er ætlaður leiðarum, limum í trygdarskipanini og øðrum áhugaðum starvsfólkum.
Fyrilestrarhaldarar verða:
Leivur Persson, stjóri á Arbeiðs- og brunaeftirlitinum
Anna Arnfríðudóttir Andresen, sálarfrøðingur á Arbeiðs- og brunaeftirlitinum
Pál Weihe, yvirlækni og professari, Deildin fyri arbeiðs- og almannaheilsu
Kári Leivsson, sálarfrøðingur á Sálarfrøðistovuni
Lisbeth Vang, deildarleiðari á Psykiatriska deplinum
Jógvan Jensen, leiðari fyri tilbúgving, ANSNI
Tað er ókeypis at luttaka, og boðast skal frá luttøku umvegis tilmelding@arb.fo í seinasta lagi 18. oktobur.
Trýst her fyri at síggja skránna fyri dagin.