• Mælt verður til, at fólk í minst møguligan mun savnast í bólkum. Jú færri tess betri – í mesta lagi 10 fólk.
  
  
• Haldið hóskandi frástøðu (2 metrar) millum starvsfólkini, tí covid-19 (corona) smittar skjótt og lætt.
  
  
• Minst til handreinføri - hav hondspritt tøkt, soleiðis at starvsfólk kunnu spritta hendurnar áðrenn og aftaná tey fara í kaffistovur, kantinur og onnur felagsøki.
  
  Mælt verður frá at hava sjálvtøkuborð ella líknandi. Um tað er møguligt, lat so starvsfólkini í kantinuni
  handfara og flýggja út matin. Skift borðbúnaðin ofta – t.d. 10. hvønn minutt.
  
  
• Vaska kaffistovur, kantinur og felagsøki dagliga – serliga yvirflatur, ið kunnu virka smittuspjaðandi – t.d. borð, stólar, hurðar og trappugelendarar – sí leiðbeining um reinføri á arbeiðsplássum.
  
  
• Skipað so fyri, at fólk sleppa undan at trýsta á somu støð, tá tey fáa sær kaffi ella vatn. Hesi felags kontaktstøðini kunnu gerast smittuspjaðarar.

Tilmælið um í mesta lagi 10 fólk eigur helst at vera fylgt. Er ikki møguligt at fylgja tilmælinum um, at í mesta lagi 10 fólk eru saman í senn (t.d. á flakavirkjum), er serliga umráðandi at hava serlig fyrilit og fyrivarni – m.a. at økja enn meira um reingerð av felagsøkjum, og at tryggja at fólk bert savnast í smærri bólkum.

Starvsfólk hava altíð eina skyldu til at virða og fylgja fyribyrgjandi átøkum, sum ein arbeiðsgevari setur í verk.

Sí plakat