Brunatrygd á kampingplássinum

Arbeiðs- og brunaeftirlitið heitir á allar kamparar um at hava brunaviðurskiftini í lagi og gera seg kunnugar við trygdarkrøvini fyri kampingøkið.

 

Á øllum kampingøkjum eigur ein kunningartalva at vera við inngongdina til økið.

Kunningartalvan eigur at vísa á:

  • At frástøðan millum hvørja kampingeind eigur at vera í minsta lagi 3 metrar
  • At eingin kampingeind má standa innibyrgd, men eigur at kunna flytast til eina og hvørja tíð
  • At rýmingarleiðirnar (til- og frákoyringarvegir) eiga at vera í minsta lagi 5 metur breiðar
  • Hvar sløkkiútgerð er og hvussu hon verður nýtt
  • Aðrar galdandi reglugerðir fyri kampingplássið
     

Mælt verður eisini til at:

  • Tú kunnar teg um trygdarásetingar á kampingplássinum og hvar nærmasta sløkkiútgerð er
  • Tú ikki grillar ov nær kampingeindini ella øðrum, ið kann brenna
  • Tú altíð hevur sløkkiútgerð í nánd og til reiðar, tá ið tú grillar
  • Tú hevur roykvarnara í kampingeindini
  • Tú tryggjar tær, at gassfløskur, slangur og sambindingarliðir eru í góðum standi og verða kannaðir regluliga
     

Sí eisini vegleiðingina Trygd við grillina


09-05-2019
Anna A, Andresen