Gott sálarligt arbeiðsumhvørvi snýr seg ikki bert um at minka um neiligar ávirkanir í arbeiðinum. Tað snýr seg í líka stóran mun um at styrkja tað jaliga í arbeiðinum, so sum trivnað, gott samstarv og viðurkenning fyri arbeiðið, sum verður gjørt.

Í eini nýggjari frágreiðing vísa granskarar frá Det Nationale Forskningscenter for Arbejdsmiljø (NFA) á 7 jaligar tættir, ið hava stóran týdning fyri trivnað og heilsu hjá starvsfólki. Frágreiðingin er gjørd fyri danska Arbejdstilsynet. Frágreiðingin sæst her.