Eitt arbeiðsóhapp er tá ið ein persónur er komin til skaða í arbeiði fyri ein arbeiðsgevara.

Eitt arbeiðsóhapp skal fráboðast, tá ið óhappið hevur við sær óarbeiðsføri í ein ella fleiri dagar umframt skaðadagin.

Tað er altíð arbeiðsgevarin, ið skal senda Arbeiðs- og brunaeftirlitinum fráboðanina um arbeiðsóhapp.

Loyvi til innflutning av fýrverk verður givið av landfútanum.

Umsókn um loyvi til innflutning av fýrverk verður at senda landfútanum gjøgnum sýslumannin ella løgregluna, har sum umsøkjarin býr ella røkir vinnu. Við umsóknini skulu fylgja bíleggingarváttan, faktura ella tílíkar, sum siga frá:

1)   vøruslag,

2)   støddin og samsetingin av satsinum, sum elva kann brest og

3)   um fýrverkið kann elva reytt ljóseffekt ella orangegult roykeffekt.

Starvsfólk hava rætt til at fáa eygu og sjón kannað. Um kanningin vísir, at neyðugt er við skermbrillum ella linsum, og egnar brillur ikki kunnu nýtast, skulu starvsfólkini fáa brillur ella linsur, ið eru ætlað til tað ávísa arbeiðið.

Um kanning vísir, at neyðugt er við skermbrillum ella linsum, og egnar brillur ikki kunnu nýtast, skal arbeiðsgevarin rinda fyri skermbrillurnar.

Í Føroyum er ikki krav at arbeiðspláss gera eina arbeiðsplássmeting. Arbeiðs- og brunaeftirlitið mælir tó øllum arbeiðsplássum til at gera eina arbeiðsplássmeting við jøvnum millumbilum.

Ein arbeiðsplássmeting kann brúkast til at fáa eitt yvirlit yvir, hvussu arbeiðsumhvørvið er og kann vísa á økir, ið treingja til ábøtur. 

Ein arbeiðsplássmeting gevur arbeiðsplássinum møguleika fyri at arbeiða systematiskt og effektivt við arbeiðsumhvørvinum á tykkara arbeiðsplássi. Ein APM er eitt amboð, ið tit kunnu nýta innanhýsis í tykkara arbeiði at fáa greiðu á arbeiðsumhvørvinum. Sí meira um APM her.

Arbeiðsumhvørvislógin áleggur øllum føstum arbeiðsplássum ella deildum, har ið 10 fólk ella fleiri arbeiða, at samskipa trygdar- og heilsuarbeiðið á arbeiðsplássinum. Sí vegleiðing um trygdarskipan á føstum arbeiðsplássum her.

Arbeiðsgevarin ella eitt umboð fyri arbeiðsgevaran kallar øll starvsfólk inn til felags fund at velja trygdarumboð. Arbeiðsgevarin og onnur leiðsluumboð luttaka tó ikki á hesum fundinum.

Starvsfólk kunnu til valið bjóða seg fram at vera trygdarumboð, og tann/tey, ið fáa flestar atkvøður verða vald. Bjóðar einki starvsfólk seg fram at vera trygdarumboð, stendur valið millum øll starvsfólk. Tað starvsfólk, ið tá fær flestar atkvøður verður trygdarumboð.

Talið av trygdarumboðum eigur sum minstamark at samsvara við tal av deildum ella arbeiðsøkjum við 10 ella fleiri starvsfólkum.

Er talan um eitt arbeiðspláss við fleiri smærri deildum ella arbeiðsøkjum, ið tilsamans telja 10 ella fleiri fólk, velja smáu deildirnar sær eitt felags trygdarumboð. Mælt verður til, at hetta verður skipað soleiðis, at tær deildir, ið hava eins ella álík arbeiðsumhvørvi, hava felags trygdarumboð.

Er talan um arbeiðspláss við fleiri smærri deildum, har ið heilsu- og trygdarligu avbjóðingarnar í arbeiðsumhvørvinum eru stórar, verður rátt til at deildirnar hava egið trygdarumboð.

Ja. Arbeiðsgevarin síggja til, allir limirnir í trygdarskipanini fara á trygdarskeið, ið er góðkent av Arbeiðs- og brunaeftirlitinum. Arbeiðsgevarin rindar fyri trygdarskeiðið, og limirnir í trygdarbólkunum hava skyldu at luttaka á trygdarskeiðnum. 

Góðkendu skeiðsveitararnir er: 

ANSNI
Tlf.: 606060
Teldupostur: ansni@ansni.fo

Skeid.fo
Tlf.: 750500
Teldupostur: skeid.fo@gmail.com

Fyri at fáa bræv sum vinnukavari skal umsøkjarin prógva:

• at hann hevur útbúgving
• at hann er fyltur 18 ár, og
• at heilsustøðan er nøktandi.  

Útbúgving sum vinnukavari til eitt hvørt endamál, harundir vinnukavarahjálparfólk, kann verða fingið á kavaraskúla ella á kavaraskeiði, sum er góðkent av Próvtøkunevndini fyri kavaravinnu. Sí oyðublað til læknakanning her.