Brunatrygd

Brunatrygd hevur stóran samfelagsligan týdning. Er brunatrygdin ikki í lagi, kann hetta kosta mannalív, eins og onnur stór virði kunnu fara fyri skeytið. Arbeiðs- og brunaeftirlitið hevur sum endamál at fyribyrgja eldsbruna og avmarka fylgjurnar av møguligum eldsbruna. 

Arbeiðs- og brunaeftirlitið virkar út frá kapittul 8 um fyribyrging o.a. í tilbúgvingarlógini. Hetta merkir, at Arbeiðs- og brunaeftirlitið umsitur viðurskifti, ið snúgva seg um:

 

  • viðgerð av byggimálum, har eldhættisligt virksemi er ella skal setast á stovn
  • brunasýn av øllum almennt atkomuligum bygningum (ikki privatum sethúsum og íbúðum)
  • brunasýn av eldhættisligum virksemi
  • tilbúgvingarætlanum við størri uttandura tiltøk, sum t.d. festivalar

 

Gevið gætur, at øll byggimál skulu fyrst til viðgerðar hjá kommunala myndugleikanum. Kommunali byggimyndugleikin sendir málið víðari til Arbeiðs- og brunaeftirlitið at viðgerða. 

 

Trýst her fyri at lesa lógir og kunngerðir um brunatrygd.

Trýst her fyri at lesa vegleiðingar um brunatrygd.