18. des. 2020

Eysturoyartunnilin góðkendur til almenna ferðslu

Landsverk og Arbeiðs- og brunaeftirlitið hava í dag góðkent Eysturoyartunnilin til almenna ferðslu. 90 fólk tóku lut í stórari venjing í Eysturoyartunlinum í gjárkvøldið.


Landsverk og Arbeiðs- og brunaeftirlitið hava gjøgnumgingið projektið, tilbúgvingina og trygdarútgerðina í Eysturoyartunlinum, men áðrenn Eysturoyartunnilin kundi endaliga góðkennast til almenna ferðslu, skuldi trygdarútgerðin í tunlinum trýstroynast í einari stórari venjing.

Venjingin var í gjárkvøldið. Umleið 90 fólk frá Politinum, Tórshavnar Sløkkiliði, Skálafjarðar Sløkkiliði, Ambulansutænastuni og Landsverki tóku lut í venjingini, sum eftirkannaði ventilatiónsskipanina og samskiftisútgerðina í tunlinum.

Allir partar høvdu egnar eygleiðarar við, sum aftaná skrivaðu hvør sína frágreiðing um venjingina. Løgreglan, sum er leiðandi samskipari í tilbúgvingini, tók saman um niðurstøðurnar og hevur góðkent tilbúgvingina í Eysturoyartunlinum.

Landsverk hevur gjøgnumgingið niðurstøðurnar frá venjingini og hevur í dag staðfest, at Eysturoyartunnilin lýkur øll myndugleikakrøv og tískil kann lata upp fyri almennari ferðslu.

Arbeiðs- og Brunaeftirlitið hevur somuleiðis brunagóðkent Eysturoyartunnilin til almenna ferðslu.

 

Føroya Politi                                Landsverk                           Arbeiðs – og brunaeftirlitið

Onnur tíðindi

29. apr. 2021

Arbeiðs- og brunaeftirlitið gevur út tríggjar nýggjar vegleiðingar

Les meira
17. nov. 2020

Førarasetrið Koyriskúli fingið løggilding at veita skeið í lastbilakrana D og E

Les meira
28. sep. 2020

AGA-Føroyar fingið endurnýggja løggilding at gera eftirlit við gasskipanum og gassinnleggingum

Les meira
6. jul. 2020

Klaksvíkar Sleipistøð fingið løggilding sum serkønur veitari

Les meira